ឯកឧត្តម អ៊ឹង លាងហ៊ួ ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញជូបសំណេះសំណាលជាមួយក្រុមប្រឹក្សាឃុំទាំង៩
្រឹកថ្ងៃពុធ ទី២២ ខែធ្នូ ឆ្នាំ២០២១ ឯកឧត្តម អ៊ឹង លាងហ៊ួ សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញជូបសំណេះសំណាលជាមួយក្រុមប្រឹក្សាឃុំទាំង៩ ចំណុះស្រុកសាមគ្គីមានជ័យ ខេត្តកំពង់ឆ្នាំងមានអ្នកចូលរួមសរុប ចំនួន៥៥នាក់ ដើម្បីស្ដាប់របាយការណ៍ អំពីសភាពការណ៍ទូទៅរបស់រដ្ឋបាលឃុំ។ ក្រោយពីស្ដាប់របាយការណ៍រួច ឯកឧត្តម បានថ្លែងកោតសរសើរ និងពាំនាំនូវការសាកសួរសុខទុក្ខពី សម្ដេចប្រធានព្រឹទ្ធសភា ឯកឧត្តមកិត្តិនិតិកោសលបណ្ឌិតអនុប្រធានទី១ ព្រឹទ្ធសភា និងឯកឧត្តមកិត្តិសង្គហបណ្ឌិតអនុប្រធានទី២ ព្រឹទ្ធសភា ចំពោះក្រុមប្រឹក្សាឃុំ ក្រុមប្រឹក្សាស្រុក អភិបាលស្រុក និងប្រជាពលរដ្ឋទូទាំងស្រុកសាមគ្គីមានជ័យ ដែលបានសាមគ្គីគ្នាខិតខំបំពេញភារកិច្ចធ្វើឱ្យភូមិ ឃុំ មានសុខសន្តិភាព និងមានការអភិវឌ្ឃជាបន្តបន្ទាប់ រំលឹកអំពីតួនាទីរបស់ក្រុមប្រឹក្សាឃុំ សង្កាត់ អំពីគោលនយោបាយភូមិ ឃុំ មានសុវត្ថិភាព ការបម្រើសេវាសាធារណ អំពីសុខុមាលភាពប្រជាពលរដ្ឋ ពិសេសជំងឺកូវីដ-១៩ ទោះព្រឹត្តិការណ៍ ២០កុម្ភ: ត្រូវបានបិទបញ្ចប់ ក៏នៅបន្តអនុវត្តវិធានការ ៣ការពារ ៣កុំ និង២ចូលរួម កុំបីធ្វេសប្រហែសឱ្យសោះ ជំរុញប្រជាពលរដ្ឋឱ្យទៅចាក់វ៉ាក់សាំងដូសជម្រុញគ្រប់គ្នា។ ពិសេសអំពីជំហាន នៃការអនុវត្តផែនការឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០២២។ ក្នុងឱកាសនោះ ឯកឧត្តម បានឧបត្តម្ភ អាកុល ម៉ាស ជូនគ្រប់ឃុំ ស្រុក មណ្ឌលសុខភាពស្រុក និងបានឧបត្ថម្ភដល់អ្នកចូលរួមផងដែរ ចំណាយថវិកាអស់ចំនួន ៦ ១៧៧ ៥០០៛។
